Ministrja e Drejtësisë, Albulena Haxhiu ka folur sërish për ftesën e Prokurorisë Speciale ndaj kryeministrin aktual, Albin Kurti për të dështmuiar në rastin e rezervave shtetërore.

Haxhiu në një konferencë për media, e pyetur rreth kësaj çështje, tha se Kurti asnjëherë nuk ka refuzuar kërkesën që të jap dëshminë e tij, raporton Arbresh.info.

Sipas saj, Kurti i ka ftuar prokurorët që të vijnë në zyrën e tij, por duket se Prokuroria nuk  kjo gjë duket se njuk po i intereson.

“Kurti i ka ftuar prokurorët që të vijnë në zyrën e tij, që të jap dëshminë e tij, por që prokuroria nuk duket që është e interesuar për të marrë dëshminë e Kurtit, sepse ka pasur disa mundësi, disa data dhe nuk ka ardh ta marrë dëshminë e tij”, tha ministrja.

Haxhiu tha se nuk e din saktësisht se si prokuroria iu është referuar Gjykatës për thirrjen e Kurtit.

Ajo theksoi se nëse Prokuroria ka thënë se Kurti nuk pranon të jap dëshmi, kjo nuk është e vërtetë.

“Kurti thotë që unë jap dëshmi, dhe ju ftoj në zyrën time. Unë mendoj se nëse Prokuroria i ka thënë Gjykatës se Kurti po refuzon për të jap dëshmi, atëherë kjo është një mashtrim, e vetmja çështje është lokacioni dhe e vetmja kërkesë e Kurtit është që të jap dëshminë në Kryeministri”, u shpreh Haxhiu./Arbresh.info/